شروط الكرا

الشيفور

• أقل عمر: 21 عام، مع بيرمي صالح.
• البيرمي والبطاقة الوطنية كيتورّاو فالوكالة ملي تاخد الطوموبيل.
• تقدر تزيد شيفور آخر كخيار.

الحجز والتأكيد

الحجز كيولي نهائي ملي الوكالة كتأكدو. من بعد كيوصلك التأكيد فالإيميل ولا فالتيليفون.

الخلاص والضمانة

• الخلاص كيكون ملي كتاخد الساروت.
• كيتحبس مبلغ ديال الضمانة فالكارطة البنكية ملي كتاخد الطوموبيل؛ المبلغ مكتوب فالصفحة ديال الطوموبيل. وكيتطلق ملي كترجعها من بعد ما كتتشاف.

الإلغاء

الإلغاء فابور حتى لـ 48 ساعة قبل الانطلاق. تواصل مع الوكالة لأي تبديل.

استعمال الطوموبيل

• الكيلومترات بلا حدود.
• الطوموبيل كترجع بنفس المستوى ديال الليصانص اللي خديتيها بيه.
• ممنوع الكارو فالطوموبيل وممنوع تكريها لشي حد آخر.
• الخروج من المغرب خاصو إذن مكتوب من الوكالة.

التأمين والمساعدة

الطوموبيلات كاملين مأمنين. كاين تأمين شامل بلا فرانشيز كخيار. إلا وقعات شي پان ولا شي حادثة، عيط للمساعدة 24/24 قبل أي إصلاح.

النيوزليتر

ملي كتقبل هاد الشروط، كتّسجل أوتوماتيكيا فالنيوزليتر ديالنا (العروض والجديد). تقدر تحيّد راسك فأي وقت بالرابط اللي كاين فكل إيميل.